ذكريات (2-7-2010)

قعدت فى البلكونه بعد ما شطبت على النت والتليفزيوم
, قولت اقعد اسمع راديو اف ام زى ما كنت (والحمد لله انى كنت ) بعمل دايما

كان وقتها برنامج اطلبها واسمعها شغال.
كنت بحب اسمع البرنامج دا , طلب احد المستمعين اغيه "افتكرت" بتاعت حماقى فافتكرت احلى ايام واصعب ايام سنه اولى كليه
اول سنه انفتاح على العالم الخاجى .
افتكرت اصحابى ويستحقون حقا هذا اللقب فمن تدمع عينى اشتياقا اليهم ليسوا بزمايل انما اصحاب .
افتكرت  (روف) صاحبه اعزب قلب واحن وارق بسمه وهى تتحدث عن موضوع مضحك فتضحك وهى تتحدث , كم كانت جميله وجذابه.
كانت اول واحده  اتعرف عليها فى العالم الجديد اللى انا عيشته.
افتكرت سمسمتى (سما) اعذب وارق واطيب

واحن قلب فى حاسبات وكم كان ردها على
يضحنى من قلبى فى بعض المواقف.
افتكرت( رانيا) القمرايه اطيب قلب بالرغم
من عنادها , وايضا ابتسامتها التى كانت تطفى
بهجه على جمعتنا ونرفزتها عندى ذكرى
لبنها العثل (ههههههههه).
وافتكرت( سالى) صاحبه اعزب كلمات
ما من كلمه تنطقها الا ولها معنى ينبض القلب لها وكذلك ابتسامتها التى كلما رايتها افيض فرحا  لانها ابتسامه عذبه من انسانه نقيه .
وافتكرت نور (ايمان) عندما تضحك تتحول الى طفله جميله ولانها دائما تضحك فهى طفله جميله فى عيونى.
وافتكرت ( منى) حبيبتى  الرائعه فى سلوكها وكلامها وحكايتها .
وافتكرت ( هبه) هذه الفتاه مقنعه لدرجه كبيره جداااااااااااااااااااااااااااااااااا ولا تسمح لاحد ان يجعلها تتنازل عن ما قررته ابدا (عنيده).
وافتكرت (اسماء-سمر-داليا-رانيا) ما اسميهم بشله ابو كبير ضربوا اروع مثل لمعنى ان حد معاك فى كليتك من بلدك جماعه واحده مترابطه ( الله يحميهم).
وافتكرت(صفا) اكثر الفتيات احتراما  فى حاسبات ودمها خفيف جدا تقولوش سكر  وكلمتها المشهوره ( يا بطه).
وافتكرت اما كنت راحه الكليه وايه فاكره ان انا بس اللى هكون اسمى (كذا ) لقيت 3/4 الدفعه اسمها (كذا)  شئ عجيب ايش معنه الاسم دا يا ترى .
وافتكرت اول محاضره كانت ( د/ الحناوى ) وقتها سيبت المحاضره وفضلت اتفرج على شكل المدرج وعقلى عمال يقول معقول ؟ معقول انا بقيت فى الكليه ؟ معقول ؟ معقول انا قاعده وورايا علطول شباب ؟ معقول ؟ وفضلت اقول معقول لحد ما المحاضره خلصت.
طبعا كانت معايا اختى فى اليوم دا وصحبتها ( كنت هاخد العيله كلها ههههههههه) همه الى كتبولى بقى .
افتكرت  اما كنت طالعه السرفيز وماما قالتلى قدام الناس كلهم (" ارفعى الشراب ") اما حته موقف هههههه.
افتكرت ازاى اما كان حد يسالنى " انتى فى كليه ايه" كنت ارد واقول فى "هندسه حاسبات " ما هو محدش يعرف كليه حاسبات ومعلومات  . الصراحه كان كل همى انه يعرف انى  مهندسه وخلاص ........................ شئ غريب صح؟
افتكرت اما كنت مروحه وكان مفيش غير مكان واحد جنب ولد جنب السواق فركبت وكنت كاتبه على الكتاب مهندسه المستقبل  فسالنى هو انتى فى هندسه ؟ فقولت اه  ... فقالى سنه اولى ؟؟؟؟ فقولت اه ........ فقالى جبتى كتاب المخطاتات؟؟؟؟ فقولت لا ..... قالى ازاى ؟؟؟ قولتله انا هندسه برمجيات ( بس بزهقق شويه) فقالى ماشى وسكت دا كله عشان كنت كتبه مهندسه المستقبل وهو قراها من بعدها معنتش بكتب لامهندسه ولا مستقبل .
وفجئه ماما صحيت من النوم وقالتلى مش كفايه سهر بقى ؟؟ فقولتلها اه وقفلت الموبايل ونمت ( مش كدا احسن :D:D)